Kundërshti për rrugën Thumanë-Kashar, banorët kërkojnë mbikalime e nënkalime

Banorët e fshatrave Bilaj dhe Murqine vijojnë të kërkojnë të dëgjohen e të reflektohen ndryshime në projektin e rrugës Thumanë- Kashar.

Sipas tyre mungesa e mbikalimeve dhe nënkalimeve u krijon shumë vështirësi në qarkullim, duke u kushtuar kohë dhe para

“Shkaku më kryesor është se nuk është zbatuar projekti mbi të cilin është ndërtuar kjo rrugë. Kryesorja është mbyllja e rrugëve të llixhës. Ne nuk dimë asgjë se çfarë do të bëhet me ne, as me rrugën as me kanalet. Më duhet të bëj 5 kilometra rrugë të shkoj tek toka”, shprehet banori.

“Nuk jemi kundër rrugës që të bëhet diçka për të mirën e komunitetit, por ne nuk duhet të na cenohet e drejta. Kërkojmë mbikalim ose nënkalim këtu dhe tek llixhat si dhe riasfaltimin e rrugës që është prishur nga kjo firmë”, shprehet një tjetër banor.

Aksi Thumanë- Kashar, me gjatësi afro 21 km, është pjesë e Korridorit Blu. Ndërtimi i tij pritet të lehtësojë trafikun në aksin ekzistues, të lidhë më mirë aeroportin me portin e Durrësit, veriun dhe Kosovën si  dhe të ndikojë në zhvillimin ekonomik të zonës.

RTSH