Kur do të nisë armëpushimi në Gaza? Izraeli kërkoi listën, Hamasi publikon emrat e 3 pengjeve që do lirohen
Raportet nga mediat izraelite tregojnë se Hamasi ka dorëzuar emrat e pengjeve që do të lirohen, duke përmbushur një nga kërkesat kryesore të Izraelit për të zbatuar marrëveshjen e armëpushimit. Këto pengje përfshijnë një shtetase britaniko-izraelite, Emily Damari, si dhe Romi Gonen dhe Doron Steinbrecher. Sipas marrëveshjes, lista e emrave duhej të dorëzohej 24 orë përpara nisjes së armëpushimit, që shkaktoi vonesa në fillimin e tij.
Ndërkohë, situata politike në Izrael është tensionuar pasi ministri i Sigurisë Kombëtare, Itamar Ben-Gvir, dha dorëheqjen në kundërshtim me armëpushimin, duke e kritikuar atë si dorëzim ndaj Hamasit.
Pavarësisht dorëheqjeve të tij dhe të dy ministrave të tjerë nga partia Otzma Yehudit, kjo parti ka vendosur që të mos përpiqet të rrëzojë qeverinë e Netanyahu-s, e cila po përballet me sfida të brendshme të konsiderueshme.
/vizionplus.tv