Kuvendi mblidhet të hënën në seancë të jashtëzakonshme

Në seancën e parë për vitin 2010, pritet me interes përgjigja e opozitës për pjesëmarrje në Kuvend, pas deklaratave të deputetit Ilir Beqja, i cili ka thënër në një studio televizive se kjo mund të diskutohet nëse bëhet fjalë për përmbytjet. Ndërkohë, në reagimin e Partisë Socialiste, deputeti Sajmir Tahiri deklaroi i bindur se opozita do t’i shkojë deri në fund hetimit të zgjedhjeve. Ai akuzoi kryetaren e Kuvendit, Jozefina Topalli, se po krijon diversion dhe presion ndaj deputetëve të PS-së.