Kuvendi, seanca e parë plenare të hënën

Kuvendi i Shqipërisë do të mblidhet në seancën e parë plenare të hënën më 5 shtator në ora 18.00, duke shënuar kështu fillimin e sesionit të pestë të legjislaturës së 18-të.

Në mbledhjen e Konferencës së kryetarëve ku u miratua në unanimitet kalendari 3-javor i punimeve të Kuvendit për periudhën 5 shtator-23 shtator, si dhe programin e punës në periudhën 5 shtator -4 tetor, kryetarja Topalli ftoi krerët e grupeve parlamentare të nisin punën për ngritjen e Komisionit për reformën zgjedhore, si edhe theksoi domosdoshmërinë e votimit sa më parë të ligjeve të rëndësishme që kërkojnë 3/5 e votave të parlamentit.