Kuvendim me Fan Nolin

Vargje nga Arben Duka

Pjesa 1

Eh, Fan Nol, kryepoet,

Mund të rrish faqe i qetë,

Shqipja jetime nuk mbet,

Se tani e mban pushteti,

Sulltani dhe Kabineti!

Ti je silloisur kot,

Se vatani gjeti zot,

Thonë gjysmë-Kastriot,

Thonë dhe nuk thonë kot,

Nga pushteti kurrë slot!

Tani se kam me të tallur,

Mbretin Zog e ka ringjallur,

E ka kthyer burrë shteti,

Se floririn vodhi mbreti,

Kokërr më kokërr e treti!

Kur do atë palo mbret,

Ty stë do more poet,

Nuk të do me të vërtet,

Se si vjen sipas humorit,

Revolucion i Qershorit!

Kur Ahmetin e përzunë,

Erdhën serbët prapë e vunë,

U fali mbreti majmun,

Manastir e Shën Naum,

Juve ikët me përdhunë!

Ky nuk do as Bac Bajramin,

Që sa malet e ka namin,

Ka dalë tepër dhe Avniu,

Që Esat Pashane shtriu,

Në Paris dy krisma shtiu!

Ku nuk do Luigj tribunin,

Se luftoi me mbret majmunin,

Ky Ahmet Zog karnavalin,

E ve mbi Smail Qemalin,

Presim të rejat të dalin!

Vijon