LDK-ja vijon aktivitetin për të bashkuar spektrin e djatht`

Në vazhdën e punës për të bashkuar spektrin e djathtë rreth Lidhjes Demokratike të Kosovës, kryetari i LDK-së, Isa Mustafa, priti sot një delegacion të Partisë Demokristiane për Integrim, të kryesuar nga kryetari, Zef Morina.

Në takim është konfirmuar vullneti për të vijuar bashkëpunimin ndërmjet LDK-së dhe PDIK, në frymën e bashkëpunimit tradicional të LDK-së me demokristianët.

Kryetari Mustafa ka theksuar gatishmërinë e LDK-së për të udhëhequr spektrin e partive të qendrës së djathtë të Kosovës, me qëllim të bashkërendimit të veprimeve për të garantuar zgjedhje demokratike dhe për të fituar zgjedhjet.

Nga ana tjetër, Morina theksoi se LDK-ja është partia që ka themeluar shtetin e Kosovës dhe partia e vetme që mund ta shpëtojë Kosovë nga degradimi në të cilin e ka çuar qeveria aktuale.
Ai e theksoi si një vlerë të vendit bashkëpunimin e partive të qendrës së djathtë, duke e potencuar rolin vendimtar që ka LDK-ja, si partia më e madhe./Indeksonline/