Laci pretendon Evropen, ose kater pike larg rrezikut te renies

Nje sezon me pare ekipi i Partizanit dhe Bylisit zhvilluan ndeshjet e mbijeteses, perkatesisht me Kastriotin dhe Gramozin, por ne perballjen direkte ata nuk qendruan ne Superiore. Nisur nga eksperienca e vitit te kaluar, ekipet e rrezikuara kete sezon synojne qe te shmangen edhe zonen e ndeshjeve "play-out". Ndaj edhe rivaliteti per te shmangur kater vendet e fundit eshte duke u zhvilluar teper i forte. Vllaznia pas fitores me Lacin do te kerkoje qe te ruaje te pakten keto pozita dhe te mos lejoje parakalimin e asnje prej ekipeve qe renditen pas saj. Kesisoj, parashikohet se mes kater ekipeve te fundit, te diskutohet renia ose ndeshjet play-out. Por, skuadra qe pretendon Evropen, Laci deri ne javen e fundit, ne rast se nuk do te ruaje te njejten forme si deri tani, mund te rrezikoje renien. Distanca prej kater pikeve qe ka kjo skuader me Kastriotin e zones "play-out", do te thote se gara eshte e hapur, mes me shume se gjysmes se skuadrave te Superiores.