Lady Gaga merr çmimin e paqes “LennonOno”

Aktivistja për paqe, Yoko Ono, vejusha e ish-anëtarit të grupit muzikor Beatles, John Lennon, i ka dorëzuar yllit të popit, Lady Gaga, çmimin e paqes “LennonOno”, në një ceremoni të mbajtur në Rejkjavik të Islandës, bën të ditur Reuters. Ajo tha se çmimi “LennonOno”, i themeluar për nder të bashkëshortit të saj të ndjerë, i është dorëzuar Gagas për shkak të kombinimit të famës e aktivitetit, si dhe ndryshimit të "hartës mendore" të botës.

"Lady Gaga është në vendin e parë si këngëtare, por edhe si tekstshkruese", tha Ono për agjencinë Reuters. "Kur jeni numër një, nuk doni që ta rrezikoni veten, por ju e bëni këtë", tha Ono për Lady Gaga-n.

Lady Gaga, e cila fitoi famë në mbarë botën në saj të albumit të saj debutues "Fame" në vitin 2008, e mori këtë çmim së bashku me një çek prej 50 mijë dollarësh, të cilin, siç tha ajo, do t’ia dhurojë fondit AIDS të Fondacionit të Elton John.