Lajcak, ndërmjetës për zgjidhjen

Mediat kosovare raportojnë se Bashkimi Evropian ka mandatuar një diplomat të lartë si ndërmjetës për të zgjidhur krizën në Shqipëri.
Sipas burimeve, bëhet fjalë për ministrin e Jashtëm të Sllovakisë, Miroslav Lajcak, i cili do të udhëtoj shpejt drejt Tiranës.

Lajmin ua ka konfirmuar edhe lidërve politikë në Shqipëri, kryediplomatja e BE-së, Catherine Ashton.

Burimi i ka thënë se tashmë ajo ka biseduar në telefon me kryeministrin Berishën dhe kreun e PS, Ramën për emërimin e Lajcakut.

Diplomati sllovak ka përvojë në ndërmjetësime, pasi së fundi ai ka shërbyer edhe në Bosnjë Hercegovinë, si i dërguar i Bashkimit Evropian.