Legalizimet, Berisha: Verifikim ajror i territorit per ndertimet pas 2006-es Eglantina Nasi
Ndertimet informale te kryera pas vitit 2006, do te shohin driten e legalizimit te tyre, duke mos u konsideruar me si te tilla. Nje fakt te tille e beri me dije, vete kryeministri Sali Berisha gjate mbledhjes se djeshme te kabinetit, teksa i kerkoi ministrit te Puneve Publike dhe Transportit, Sokol Olldashi qe te sjelle ne qeveri vendimin per verifikimin ajror te territorit te Shqiperise. Ne menyre qe sipas tij, te behet legalizimi i ndertimeve qe kane ndodhur ne rang vendi pas vitit 2006. Kujtojme nderkaq, se ne muajin shkurt te ketij viti, eshte realizuar edhe fotografimi i pare ajror i vendit, ne baze te te cilit, u krijua pikerisht edhe harta dixhitale, ku u hodhen te gjithe te dhenat e marra nga vetedeklarimi i bere prej qytetareve per ndertimet e tyre informale, si edhe verifikimet perkatese ne terren. Duke e bere verifikimit ajror, si nje element baze per realizimin e sakte te procesit te legalizimit ne rang vendi. Kjo pasi, produkti i fotografimit ajror dixhital te territorit te Republikes, i njohur si “ortofoto”, eshte i tille qe brenda tij nuk mund te nderhyhet duke kryer ndryshime me qellim manipulimin e te dhenave mbi objektin informal te ndertuar nga qytetaret ne menyre abuzive. Cdo nderhyrje e kryer ne te quajturat “ortofoto”, duhet ditur se konsiderohet si e paligjshme e eshte e denueshme. Dhe si i tille, fotografimi ajror, jep nje garanci te madhe per saktesine dhe drejtesine e procesit te legalizimit si te tille. Ne kete aspekt, duhet konsideruar edhe kerkesa e djeshme e kryeministrit gjate mbledhjes se qeverise per kryerjen e verifikimit ajror te territorit, ne kuadrin e legalizimeve te ndertimeve informale pas vitit 2006. Ku keto te fundit, te ndertuara pas hyrjes ne fuqi te ligjit per legalizimin ne vitin 2006, kane mbetur jashte ligjit te legalizimeve. Kujtojme sakaq, se nje raport i Bankes Boterore per ceshtjen e pronave, publikuar kohe me pare, tregonte se rezultojne rreth 80 mije te tilla, te realizuara pas perfundimit te fotografimit ajror te territorit ne vitin 2006. Shifer kjo, pervec asaj prej 350 mije ndertimeve pa leje te deklaruara ne shkurt te vitit 2006, kur hyri ne fuqi ligji i legalizimeve. Nderkaq, vete kreu i ALUIZNI-t, Ardian Kollozi, ka deklaruar pak kohe me pare per mediat se “permbyllja e procesit te legalizimeve te ndertimeve informale brenda vitit 2013, jo vetem qe eshte i mundur, por edhe i sigurt”.