Leicester ndalet, Liverpool i tregon vendin

Liverpool, tre gola për tri pikë për të kapur kreun, që e ndan me Tottenham, në kuotë të njëjtë pikësh, 20. Skuadra e drejtuar nga Klopp në këtë mbrëmje ka mundur surprizën Leicester me rezultatin 3-0. Gjithçka është zgjidhur në pjesën e parë, një autogol i Evans në minutën e 21-të dhe goli i Jota në minutën e 41-të zbritën skuadrën e Rodgers me këmbë në tokë.

Në pjesën e dytë, Mane dhe Firmino janë shfaqur rrezikshëm, duke iu afruar golit, por Kasper Schmeichel falë reflekseve të tij, por dhe fatit, ka neutralizuar rrezikun. Gjithsesi, në minutën e 86-të, sulmuesi brazilian ka arritur të shënojë me kokë, pas një krosimi nga këndi me autor Milner, 3-0.

Me këtë fitore, skuadra e Liverpulit është ngjitur në kuotën e 20 pikëve, me 6 fitore, 2 barazime dhe 1 humbje. Leicester është i pozicionuar në vendin e katërt, në kuotën e 18 pikëve me 6 fitore dhe 3 humbje.