Lezhë, 2 të arrestuar për vepra të ndryshme penale

Policia e Qarkut të Lezhës bën të ditur se, gjatë kontrollit të ushtruar nga shërbimet e policisë në rrugën e Patokut në Laç, u ndalua 17-vjeçari E.S., pasi në automjetin  tij u gjet 5 gramë lëndë narkotike.
    
Sipas të njëjtave burime, është ndaluar edhe 59-vjeçari Preng Medha, me banim në fshatin Rraja e Velës të Mirditës, pasi dispononte një armë gjahu pa leje.
     
Në momentin e mbërritjes së policisë, Medha ka kundërshtuar dhe më pas ka kanosur seriozisht jetën e punonjësve të policisë.
     
Mësohet se në vendin e ngjarjes u gjetën dhe u sekuestruan në cilësinë e provës materiale 17 gëzhoja armë gjahu, si dhe arma e gjahut, të cilën ky shtetas e mbante pa leje. /Start/

                                                                                             2011-07-01 10:47