Librazhd zjarr ne fabriken e perpunimit te drurit

Një zjarr masiv ka rënë mbrëmjen e së enjtes në një ndërmarrje të përpunimit të drurit në qytetin e Librazhdit.

Zjarri ka rene afer stacionit te trenit te ketij qyteti ku dhe ndodhet objekti. Burime nga vendi i ngjarjes bëjnë me dije se zjarri ka shkaktuar dëme mjaft të mëdha pasi e gjithë lënda drusore është asgjësuar por fatmirësiht nuk ka patur të lënduar.

Në vendin e ngjarjes kanë mbërritur ekipet e zjarrëfikëseve së Librazhdit por duke qenë se zjarri ishte me përmasa të mëdha janë dërguar edhe dy mjete zjarrëfikëse nga Elbasanit, të cilët kanë punuar për shuarjen e flakëve. Disa banesa që kanë qenë afër vatrës së zjarrit janë vënë në rrezik, por grupi i punës ka bërë të mundur lokalizimin e flakëve e më pas shuarjen e tij.

Paraprakisht dyshohet se zjarri ka shpërthyer në njërën prej magazinave e më pas ka përfshirë edhe pjesën tjetër të godinës. Ndërmarrja e përpunimit të drurit është në pronësi të një firme greke  e cila operon ne Shqiperi prej disa vitesh dhe në të janë punësuar një numër i konsiderueshëm punetorësh. Ende nuk mund të flitet për një bilanc të saktë te dëmeve e shkaktuara nga zjarri.