Liderët e Ballkanit Perëndimor takohen në Mynih, i pranishëm edhe Rama

Komisionerja e BE-së për Fqinjësinë dhe Negociatat për Zgjerimin, Marta Kos, ka zhvilluar një takim informal me liderët e Ballkanit Perëndimor në Mynih, gjatë Konferencës së Sigurisë, ku ka marrë pjesë edhe Kryeministri i Shqipërisë, Edi Rama.

Kos ka ndarë në rrjetet sociale foto nga ky takim dhe ka theksuar rëndësinë e Ballkanit Perëndimor për Bashkimin Evropian. Ajo ka shkruar se është e nevojshme që të gjithë të shprehen më fort për të treguar pse ky rajon është kaq i rëndësishëm për BE-në.

Kryeministri Rama po zhvillon një vizitë në Gjermani për Konferencën e 61-të të Sigurisë (MSC), ku do të diskutohet mbi sfidat globale të sigurisë dhe do të zhvillohen takime me liderë të tjerë dhe përfaqësues të organizatave ndërkombëtare dhe kompanive të sigurisë.