Ligjet PD rrezon 3 dekretet e Topit

Komisioni i ligjeve vendosi me shumicen e votave te anetareve demokrate te rrezoje 3 nga 4 kandidaturat e presidentit per anetare te Gjykates Kushtetuese.

Ky vendim do te thote qe ne seancen e se enjtes maxhoranca do te reflektoje te njejten vote.

Per socialistet te cilet moren pjese aktive ne debatin e gjate prej tre oresh ky eshte nje vendim politik qe nuk vlereson profesionalizimin e kandidateve.

Nje opinion qe sipas demokrateve nuk qendron perderisa kandidateve iu gjeten qendrime dhe veprime qe cenojne sjelljen e tyre ne raport me ligjet e vendit.

Prandaj them qe diskutimi i sotem eshte i vendosur ju nuk eshte se u besoni kandidaturave. Nese ne marrim urdher politik per te vendosur kandidaturat nuk do te kemi asnje rrugezgjidhje deklaroi deputeti i PS Bashkim Fino.

Devotshmeria e kandidateve ndaj ligjit nuk eshte kriter politik. Nese do te ishte atehere ne jemi duke bere afera ortakerie do te duket sikur po mbyllim syte ndaj shkeljeve dhe ky nuk eshte objektivi yne eshte pergjigjur kryetari i komisionit Ilir Rusmali.

Ajo qe spikati gjate votimit per mosdhenien e pelqimit te demokrateve per tre nga 4 kandidatet ishte vota abstenim e deputetit te LSI-se Nasip Naco.

Deri tani kur gjate votimit ne Parlament socialistet kane munguar vota e LSI-se ka qene gjithmone pro kandidateve te sjelle nga presidenti i Republikes.