Ligji i Arsimit te larte, fitojne studentet

Komisioni i Edukimit miraton ndryshimet e propozuara nga universitetet, drafti i diskriminonte
Komisioni i Edukimit reflekton ne lidhje me propozimet e bera nga drejtuesit e universiteteve dhe studenteve. Keshtu, ai ka vendosur qe keto propozime te pasqyrohen ne draftin e ri, duke sjelle nje entuziazem ne radhet e pedagogeve dhe studenteve. Thelbi i ketyre ndryshimeve ka te beje me diplomat, per te cilat emertimet e reja shkaktuan kaos dhe pakenaqesi.
Masterat
Komisioni parlamentar i Edukimit ka vendosur qe Masteri i Nivelit te Dyte te njihet si “master shkencor” dhe jo si “master profesional”. Ky ndryshim, ne thelb i afron diplomantet me prane doktoratures, sepse pasi te mbarojne MND-ne, ata mund te fillojne doktoraturen. E thene ndryshe, Komisioni i Edukimit ka ndryshuar ato nene qe rregullojne marredheniet me studentet, ne perputhje te plote me propozimet e Universitetit te Tiranes. Ky i fundit, kishte kundershtuar pak dite me pare nenet ne fjale, qe rikonvertonin diplomat e vjetra universitare 4-vjecare dhe nuk konvertonin ne diplome, Masterat e Nivelit te Dyte. Drafti i deridjeshem i projektligjit, shkaktonte nje hendek per te diplomuarit e sistemit te vjeter. Por, me ndryshimet e reja te vendosura dje, Masteri i Nivelit te Dyte (1-vjecari), konvertohet ne Master Shkencor, ndersa te 90 kreditet e tij, konvertohen per vitin e pare te doktoratures. Pra, lendet qe jane bere gjate ketij masteri, vlejne edhe per vitin e pare te doktoratures. Nje ndryshim tjeter eshte qe studimet 4-vjecare, njihen si “master shkencor”. Ata qe vijojne studimet sipas skemes 4+1, iu njihen dy mastera shkencore, duke u dhene mundesine te kalojne ne doktorature, duke iu njohur gjithashtu lendet ne vitin e pare te ketyre studimeve te perparuara.
Problemi
Reagimet dhe propozimet e universiteteve, erdhen per shkak se cenoheshin mjaft studente, duke mos iu njohur nje pjese e studimeve. Shkollat e vjetra pasuniversitare (SHPU-te) dhe masterat e nivelit te dyte, sipas projektligjit, nuk konvertoheshin ne diploma, por thjesht ne kredite per vitin e pare te doktoratures. Ne kete menyre, nje person qe ka kryer gjashte vite studimi (4 vjet me programet e vjetra dhe 2 vjet master te nivelit te dyte), nuk mund te vijonte doktoraturen. Kjo, pasi, sipas projektligjit, ai duhet te kishte master shkencor per te bere dicka te tille, diplome ne te cilen nuk konvertohej asnje nga diplomat e tij. Ne kete menyre, mbajtesi i ketyre diplomave, qe ne sistemin e studimit perkthehet ne 4+2, duhet te kryente nje vit master shkencor per te vijuar doktoraturen, te cilen madje e nis ne vitin e dyte te saj, pasi masteri i nivelit te dyte i konvertohej realisht ne vitin e pare te doktoratures.

MND
I gjithe ngerci i deridjeshem mbante emrin MND. Por kjo i perket se shkuares, pasi komisioni i Edukimit ka vendosur qe, cdokush qe ka bere master te nivelit te dyte, do t’i njihet si master shkencash, por nese ai ka kredite shtese, do t’i transferohen ne doktorature, nese vijon me tej studimet.

4-vjecaret
Nga ana tjeter, e njejta gje eshte edhe me ata qe kane bere nje shkolle 4-vjecare universitare dhe ka marre nje diplome dhe nese ka bere nje SHPU, u njihet si master dhe kredidet e tyre kalojne ne doktorature. Pra, te gjithe qe kane bere studime me shume se 3 vite, sapo me shume se 4 vite, do te kene nje master.

Kreditit
Ligji per Arsimin e Larte pritet te miratohet sot ne Kuvend. Ndryshimet e miratuara dje ne Komisionin e Edukimit, sigurojne studentet ose diplomantet se, asnje cikel studimit nuk do te humbase, por kreditet do te ruhen qe te gjitha.