Limaj inspekton punimet në autostradë
Ministri i Transportit dhe i Postë-Telekomunikacionit (MTPT), Fatmir Limaj, është shprehur i kënaqur me dinamikën e punimeve për ndërtimin e autostradës Morinë –Merdar.
Ai ka paralajmëruar se inspektime të tilla të këtyre punimeve do të ketë edhe më shpesh në të ardhmen.
Limaj, këto komente, i bëri të shtunën me rastin e inspektimit të punimeve për ndërtimin e projektit madhor të autostradës Morinë - Merdar, të cilat kanë nisur zyrtarisht në fund të muajit të kaluar.
“Sot jemi në vizitën e parë për të parë zhvillimet si po shkojnë në vend punimet për fillimin e ndërtimit të autostradës. Kjo është hera e parë, por ne do të zhvillojmë tash e tutje vizita më të shpeshta për të përcjellë hap pas hapi dinamikën e punimeve”, ka thënë ministri Limaj.
Punimet për ndërtimin e autostradës është duke i bërë konsorciumi turko-amerikan “Bechtel and Enka”. Ministri Limaj ka thënë se është fat që ky projekt po realizohet nga kjo kompani serioze dhe profesionale.
Limaj nuk ka dashur të komentojë kontrollimin e zyrtarëve të lartë të Qeverisë së Kosovës në Aeroportin e Prishtinës nga ana e Policisë së EULEX-it, ndërsa ka shprehur edhe njëherë gatishmëri për bashkëpunim rreth hetimeve që po zhvillon misioni EULEX. (KosovaPress)
Ai ka paralajmëruar se inspektime të tilla të këtyre punimeve do të ketë edhe më shpesh në të ardhmen.
Limaj, këto komente, i bëri të shtunën me rastin e inspektimit të punimeve për ndërtimin e projektit madhor të autostradës Morinë - Merdar, të cilat kanë nisur zyrtarisht në fund të muajit të kaluar.
“Sot jemi në vizitën e parë për të parë zhvillimet si po shkojnë në vend punimet për fillimin e ndërtimit të autostradës. Kjo është hera e parë, por ne do të zhvillojmë tash e tutje vizita më të shpeshta për të përcjellë hap pas hapi dinamikën e punimeve”, ka thënë ministri Limaj.
Punimet për ndërtimin e autostradës është duke i bërë konsorciumi turko-amerikan “Bechtel and Enka”. Ministri Limaj ka thënë se është fat që ky projekt po realizohet nga kjo kompani serioze dhe profesionale.
Limaj nuk ka dashur të komentojë kontrollimin e zyrtarëve të lartë të Qeverisë së Kosovës në Aeroportin e Prishtinës nga ana e Policisë së EULEX-it, ndërsa ka shprehur edhe njëherë gatishmëri për bashkëpunim rreth hetimeve që po zhvillon misioni EULEX. (KosovaPress)