Linja kundër radikalizmit dhe ekstremizmit, Luarasi: Kemi marrë 401 telefonata denoncuese

Linja e hapur dy vite më parë kundër përhapjes së radikalizmit dhe ekstremizmit të dhunshëm, ka sjellë mbi 400 telefonata denoncuese.  

Drejtuesja e kësaj linje, Iris Luarasi thotë se pritshmëritë janë të mëdha dhe kjo është një sfidë e madhe sidomos për riatdhesimin e shqiptarëve nga kampi famëkeq ALHOL dhe më pas integrimin e tyre në shoqëri, ku janë kthyer 25 familje nga Siria.

Në konferencën kundër radikalizmit dhe ekstremizmit të dhunshëm, zv/ ministrja e brendshme Romina Kuko theksoi se Ballkani nuk është aspak i mbrojtur nga ky fenomen.

Edhe përfaqësues të tjerë në këtë konferencë kanë ngritur shqetësimin për këtë fenomen, duke kërkuar kontributin e të gjithëve për ta minimizuar.

/rtsh/

Gazetare: Klea Neli