Lista me anëtarët e 3 komisioneve, Alibeaj: PS s’ka votat për presidentin, PD jo bojkotit!
Kryetari i grupit parlamentar të Partisë Demokratike, Enkelejd Alibeaj pas përfundimit të mbledhjes në një prononcim për media ka deklaruar se opozita e ka për detyrë të marrin pjesë në proces për të zhbërë kulturën e ‘bojkotit’ dhe të ndërtimit të një kulture me moral. Alibeaj theksoi se opozita i kishte emrat fillestarë për presidentin e ri, por Kryeministri Edi Rama u tërhoq.
“Rama u tërhoq, pa thënë asgjë për emrat fillestar që do diskutoheshin. Serioziteti i këtij procesi kërkon që detyrimet do duhet t’i çosh në fund. Ne e bëmë punën tonë. Presidenti e ka të nevojshme të ketë legjitimitet i plotë, përndryshe do jetë i cunguar, dhe s’do i bëjë ballë rrebesheve të politikës që do vijnë. Tërheqja është bërë në mënyrë të paarsyeshme nga ana e PS. Ne i qëndrojmë. Ne bëmë detyrën tonë. Ne i qëndruam detyrimeve tona sipas dokumentit, filluam procesin e identifikimit, pala tjetër u tërhoq dhe dakordësia bie. Mazhoranca kurrë nuk i ka 71 vota, me çfarë i ka? Me tre mandate të Tom Doshit, me dy mandate të Aqif Rakip, apo me të tjerë që i ke pas qelisë, me një raport të DASH që godet besoj që është detyrim ky i yni për të marrë pjesë në proces dhe në proces marrim pjesë me dëshirën që të zhbëjnë atë kulturën e vogël të bojkotit që nuk eci. Vlera e dokumentit qëndron deri në 12:00 të natës nëse Ramës i ndërrohet mendja”, tha Alibeaj.
Ndërkaq, në mbledhjen e grupit parlamentar të PD janë caktuar edhe emrat e deputetëve që do të jenë pjesë e Komisionit për Reformën Zgjedhore dhe Komisionit për Reformën territoriale. Alibeaj ka deklaruar se pjesëmarrja në Komisione është bazuar te eksperienca dhe profesionalizmi, duke shuar dyshimet për ndasi me Komisionin e Rithemelimit. Alibeaj do të jetë bashkëkryetar për Reformën Zgjedhore, ndërsa Dhurata Çupi do të jetë bashkëkryetare e Komisionit për Reformën Territoriale.
“Nuk ka ndasi. Pjesëmarrja në komisione bazohet te eksperienca, profesionalizmi, njohja për lëndën përkatëse. Janë emra të cilët kanë në të shkuarën e tyre eksperiencën e nevojshme, dhe eksperiencën për të bërë debatin publik”, tha Alibeaj.
Komisioni Hetimor për Investimet Strategjike:
- Gazment Bardhi (kryetar)
- Ferdinand Xhaferaj (anëtar)
- Lefter Geshtenja (anëtar)
- Ilda Dhori (anëtare)
- Emilia Koliqi (anëtare)
- Bledion Nallbati (anëtar)
- Arbi Agalliu (anëtar)
- Kastriot Piroli (anëtar zëvendësues)
- Jorida Tabaku (anëtar zëvendësues)
- Ramadan Likaj
Komisioni për Reformën Territoriale:
- Dhurata Cupi (bashkëkryetare)
- Zef Hila (anëtar)
- Andia Ulliri (anëtare)
- Xhelal Mziu (anëtar)
- Orjola Pampuri (anëtare)
- Saimir Korreshi (anëtar)
- Merita Bakiu (anëtare zëvendësuese)
- Bledion Nallbati (anëtar zëvendësues)
- Zheni Gjergji (anëtar zëvendësues)
Komisioni për Reformën Zgjedhore:
- Enkelejd Alibeaj (bashkëkryetar)
- Oerd Bylykbashi (anëtar)
- Grida Duma (anëtare)
- Dashnor Sula (anëtar)
- Kreshnik Collaku (anëtar)
- Lindita Metaliaj (anëtare)
- Seladin Jakupllari (anëtar zëvendësues)
- Ervin Salianji (anëtar zëvendësues)
- Eralda Bano (anëtar zëvendësues)
/rtsh.al/