Liverpool bie në fushën e Bournemouth, Billing befason Klopp

Java e 27-të e Premier League hapet me humbjen e Liverpool-it në Bournemouth. ‘Reds’ të Jurgen Klopp u shembën 1-0 në ‘Vitality Stadium’, që fituan tri pikët falë golit të Billing në minutën e 28-të të pjesës së parë. Në pjesën e dytë, Liverpool shtyu, por çdo përpjekje për rikthim u shkatërrua kundër ish-portierit të Juventusit dhe Barcelonës, Neto, autor i një pritjeje të pabesueshme ndaj Diogo Jota.

Për ‘Reds’ edhe një penallti e humbur nga Salah në minutën e 70-të. Me këtë rezultat, Liverpooli mbetet i ankoruar në 42 pikë, duke mos arritur të kapë vendin e katërt të zënë nga Tottenhami i Antonio Contes. Tri pikë themelore për Bournemouthit, i cili rritet në 24 dhe largohet nga zona e rënies.