Liverpuli në kaos, çfarë dihet deri më tani nga sulmi me makinë mbi turmën që po festonte

Shumë shpejt festa i la vendin ankthit dhe frikës. Rrugët e Liverpulit ishin mbushur pasi tifozët do të festonin me beniamionët e tyre triumfin e madh në Premier Ligë, por disa prej tyre përjetuan momente të tmerrshme.

Një makinë sulmoi turmën. Shoferi 53-vjeçar u ndaluar menjëherë nga policia e “Mersyside”, e cila specifikon se nuk e ka kalsifikuar ngjarjen si një akt terrorist.

Bilanci i të dëmtuarve është i rëndë pasi janë plagosur rreth 50 persona. 27 prej tyre janë dërguar në spital. Dy individë, njëri fëmijë, mendohet se janë në gjendje kritike për jetën.