Lufta me Rusinë, SHBA ndihmë ushtarake prej 2.6 miliardë dollarësh për Ukrainën

Shtetet e Bashkuara të Amerikës njoftuan të martën, (4 prill) paketën e re të ndihmës ushtarake për Ukrainën, një total prej 2.6 miliardë dollarësh, raporton CNN.

Paketa përfshin 500 milionë dollarë pajisje, si municione për Sistemin e Raketave të Artilerisë së Lëvizshmërisë së Lartë (HIMARS) dhe municione shtesë për sistemin e raketave Patriot, predha artilerie dhe mortajash, cisterna me karburant të rëndë dhe automjete të rikuperimit taktik. 

Administrata po cakton gjithashtu 2.1 miliardë dollarë në fondet e Iniciativës së Ndihmës për Sigurinë e Ukrainës, e cila synon të prodhojë një paketë të rëndësishme të aftësive të mbrojtjes ajrore duke përfshirë radarët e vëzhgimit ajror dhe kamionët me armë 30 mm të sistemit ajror pa pilot, si dhe sisteme anti-blinduara Javelin dhe 23 milionë fishekë të armëve të vogla.

Në njoftim nga administrata theksohet se “SHBA-ja do të vazhdojë të punojë me aleatët e saj për t’i ofruar Ukrainës aftësitë për të përmbushur nevojat e saj të menjëhershme në fushën e betejës dhe kërkesat afatgjata të ndihmës për sigurinë”.

Kjo është paketa e 35-të e pajisjeve amerikane për Ukrainën që nga gushti 2021.

/rtsh.al/