Lufta në Ukrainë, shpërthimet tronditin bazën ruse në Krime

Një bazë ushtarake në Krimenë e pushtuar nga Rusia është goditur nga një seri shpërthimesh, duke lënë të lënduar të paktën dy persona. Zyrtarët rusë thanë se një zjarr shkaktoi shpërthimet në një depo armësh në zonën Dzhankoi në Krimenë veriore.

Çfarë i shkaktoi shpërthimet është e paqartë, por javën e kaluar avionët luftarakë rusë u shkatërruan në një sulm të dukshëm ukrainas në bregun e Krimesë.

Ministria ruse e mbrojtjes tha se zjarri kishte shpërthyer në një depo të përkohshme municionesh pranë fshatit Maiske dhe se shkaku ishte duke u hetuar.

Krimea u aneksua nga Rusia në fillim të vitit 2014, dhe kur forcat ruse filluan një pushtim të ri në shkurt, ata përdorën bazat e tyre në gadishull për të kapur zona të mëdha të Ukrainës jugore./ BBC

/rtsh.al/