Lushnja, lagunarët kërkojnë triumf ndaj të kuqve

Ndeshja e fundit e kampionatit në kategorinë e parë pritet të dhurojë spektakël nga të dyja skuadrat në Roza Haxhiu

Nën drejtimin e teknikut Artan Bano skuadra lushnjare po vijon seancat stërvitore në kuadër të takimit të fundjavës që do të zhvillohet ndaj Partizanit. Natyrisht që motivimi është maksimal nga ana e vendasve, ku më shumë se pikët dhe loja, skuadrat pritet të luajnë një ndeshje për prestigj. Në këtë sfidë, tifozëria lagunare kërkon të marrë maksimumin në këtë sfidë, e cila do të korespondojë dhe me inagurimin e tapetit të ri.

Tekniku i Iushnjarëve, Artan Bano i ka kërkuar futbollistëve të tij që të arrijnë maksimumin në këtë sfidë, e cila duhet të kënaqë futbollistët në fushën e lojës.  Në qytet të gjithë janë të bindur se do të zhvillohet një superndeshje dhe fituesit e saj do të jenë pikërisht ata, lagunarët. Ndeshja midis tyre mund të kosiderohet edhe si një përballje luksi, pasi klubet tashmë kanë arritur objektivin përfundimtar, ngjitjen në Superligë.