Lutaj: Tendenca për të sabotuar procesin, nga PD-ja

Partia Socialiste akuzoi komisionerët e Partisë Demokratike për bllokimin e procesit të numërimit të votave pranë qendrës së numërimit për njësinë Bashkiake numër 5 në Tiranë. Deputeti i Partisë Socialiste, Piro Lutaj tha për RTV "Ora News" se shkak për vendimin është bërë frika e demokratëve për humbjen e thëllë që pësojnë në këtë njësi Bashkiake.

Lutaj konfirmoi edhe një herë se deputetët e Partisë Socialiste dhe të gjithë mbështetësit janë të gatshëm për të mbrojtur votën. Ndërkaq, burime pranë komisionerëve demokratë thanë se kanë kërkuar pushim për tu qetësuar.