Macron emëron kryeministër të Francës ish-negociatorin e BE-së për Brexit
Presidenti francez Emmanuel Macron ka emëruar Michel Barnier si kryeministër të ri të vendit. Emërimi vjen rreth dy muaj pasi asnjë parti nuk fitoi një shumicë të plotë në zgjedhjet e parakohshme, duke çuar në një ngërç në negociatat se kush duhet të drejtojë qeverinë.
Në zgjedhjet e parakohshme Aleanca e majtë e Frontit të Ri Popullor i befasoi të gjithë duke marrë shumicën e vendeve, ndërsa koalicioni i Ansamblit të Macron doli i dyti, përpara Tubimit Kombëtar të ekstremit të djathtë .
73-vjeçari Barnier udhëhoqi bisedimet e BE-së me Britaninë mbi daljen e saj nga blloku nga 2016-2021. Para kësaj, politikani konservator ka mbajtur role në qeveri të ndryshme franceze dhe ka qenë gjithashtu Komisioner i BE-së.
/rtsh.al/