Mahoney: Shqiperia, progres ne luften ndaj korrupsionit

Kryeministri Sali Berisha, vleresoi dje kontributin e madh qe qeveria amerikane i ka dhene Shqiperise nepermjet programit, "Sfida e Pragut te Mijevjecarit". Gjate nje takimi me drejtoren e USAID ne Tirane, Roberta Mahoney, me rastin e largimit te saj nga Shqiperia, kreu i qeverise, i shprehu falenderimet per mbeshtetjen ne reformat me te medha te qeverisjes. Si ato ne elektronike, ne prokurime, tatime, ngritja e Qendres Kombetare te Regjistrimit te Bizneseve dhe e Qendres Kombetare te Licencimit. Sipas kryeministrit, keto kane qene objektiva madhore te qeverise dhe nje enderr e gjithe shqiptareve e bere realitet. Nga ana e saj, Mahoney u shpreh se gjate ketyre viteve te qendrimit te saj ne Shqiperi ka pasur nje bashkepunim te shkelqyer me qeverine shqiptare dhe vleresoi progresin domethenes te arritur ne luften ndaj korrupsionit, duke theksuar se eshte mbreselenes vullneti, me te cilin qeveria po zbaton reformat dhe se si Shqiperia po perparon drejt integrimit evropian.