Maicon do shkarkojë agjentin

Mbrojtësi i djathtë më i mirë në botë, Maicon, është duke e menduar shkarkimin e agjentit të tij, Antonio Caliendo, në mënyrë që të kalojë te Real Madridi.

"Jornal do Brasil" shkruan se Maicon është i hidhëruar që e ka humbur rastin për t'iu bashkuar Realit dhe për këtë fajëson agjentin e tij.

Thuhet se Maicon kërkon të shkëpusë kontratën me Caliendon dhe të negociojë vet për këtë transferim, pasi dëshiron me çdo kusht kalimin në Bernabeu, me të marrë vesh se është lënduar Ezequiel Garay.