Malaj: Pse PS duhet ne Parlament
Deputeti i Partise Socialiste, Arben Malaj, deklaroi dje ne nje prononcim per gazeten "Koha Jone", se PS duhet te kthehet se me pare ne opoziten parlamentare. I pyetur se nese eshte momenti i duhur per Partine Socialiste per te hyre ne Kuvend, ne rastin kur gjendja ne veri te vendit eshte e renduar dhe gjendemi perballe nje situate te pazakonte, zyrtari i lart socialist nuk beson se kjo eshte e vetmja arsye qe grupit Parlamentar Socialist te kthehet ne Kuvend. "Nuk besoj se permbytjet, perbejne detyrimin e vetem per t'u kthyer ne Parlament, aq me pak ne qofte se kthimi ne Parlament synohet te jete thjesht nje mundesi per te bere nje debat te mbingarkuar politik, i cili mund te ishte nje fotokopje e opozites se keqe, qe Partia Demokratike beri per permbytjet ne Shkoder ne vitin 2004", vleresoi Malaj, themelues i Levizjes per Mendimin Ndryshe ne PS, per gazeten "Koha Jone". Sipas tij, "Partia Socialiste duhet te kthehet ne Parlament, per te rritur efikasitetin e opozites parlamentare per vonesat dhe deshtimet e qeverise per plotesimin e levizjes se lire te shqiptareve". Gjate fjales se tij, anetari i Kryesise se selise roze thekson se "PS duhet te marre pjese ne Parlament, per te rritur opoziten per perkeqesimin e situates ekonomike ne vend, per te rritur kontrollin parlamentar ndaj shperdorimeve dhe korrupsionit me investimet publike, per te rritur zerin e opozites per deshtimet e qeverise ne luften kunder korrupsionit dhe cenimit te lirise si faktore jetike, per cilesine e integrimit te vendit". "Partia Socialiste pas nje bojkoti disa mujore duhet te synoje te maksimizoje efikasitetin e saj politik duke i paraqitur publikut nje pakete te plote reformash te rendesishme, duke filluar ndoshta nga reforma kushtetuese, per nje balance me te mire midis pushteteve, per permiresimin e reformes zgjedhore, per reformen administrative perpara zgjedhjeve vendore dhe nje sere prioritetesh te tjera", propozon deputeti i Partise Socialiste. Malaj sjell ne vemendje faktin, se "se bashku me disa kolege, i permbahem qendrimit te tyre publik se mos pjesemarrja ne Parlament eshte nje strategji qe e demton PS, cenon funksionimin e demokracise ne vend dhe i bene me te veshtira sfidat e tyre historike". Ai tha gjithashtu se "PS nuk e konsideron Parlamentin vendin ku vetem "luftohet" politikisht midis mazhorances dhe opozites, por vendin ku per prioritete kombetare dhe per sfidat e fatkeqesive natyrore, bashkepunohet me shume pergjegjesi nga i gjithe spektri politik i vendit". "Cdo pjesemarrje thjesht per te bere nje debat te mbingarkuar politik apo thjesht per te lexuar nje deklarate dhe pastaj rikthim ne bojkotin jashte institucioneve eshte nje strategji e deshtuar", perfundon prononcimin e tij per gazeten "Koha Jone", deputeti i Partise Socialiste, Arben Malaj.
Kundershtaret e Rames: S'djegim mandatin
Deputete te partise me te madhe ne opozite, te cilet jane themelues te Levizjes per Mendimin Ndryshe ne Partine Socialiste, kane deklaruar se nuk do te ndjekin mandatet dhe do te hyjne ne Parlament brenda dates 7 mars. Pak dite me pare, deputeti socialist Marko Bello, deklaroi se nuk do te djege mandatin sepse eshte nje detyrim qe i kane dhene zgjedhesit per te vajtur ne Parlament. Ndersa sekretari per Ceshtjet Zgjedhore ne PS, Kastriot Islami, tha se 6 marsi eshte afati i fundit kur Levizja per Mendimin Ndryshe brenda PS, do t'i qendroje bojkotit. Ai theksoi se do te pritet vendimi i selise roze deri ne javen e pare te marsit, me pas ky grupim do t'i kthehet Kuvendit. Te njejtin qendrim ka mbajtur edhe deputeti i PS, Andis Harasani, i cili theksoi se nuk do te djege mandatin e tij dhe do te hyje ne Kuvend para dates 7 mars.