Maliq/ Përfshihet nga flakët shtëpia në Vashtemi, dëme të mëdha materiale

Një banesë në fshatin Vashtemi të Maliqit është përfshirë nga zjarri ditën e sotme.

Si pasojë e zjarrit janë shkaktuar dëme të mëdha materiale.

Një pjesë e shtëpisë është djegur plotësisht, por fatmirësisht nuk ka të lënduar nga ngjarja.

Zjarri është konstatuar nga banorët e zonës, të cilët njoftuan menjëherë shërbimin zjarrfikës.

Falë ndërhyrjes së shpejtë, u arrit të shmanget përhapja e flakëve në ndërtesat përreth.

Shkaqet e zjarrit mbeten ende të paqarta. Një grup hetimor ndodhet në vendngjarje dhe po kryen veprimet hetimore për të zbardhur rrethanat e ngjarjes./vizionplus.tv