Mamurras, gjendet trupi i pajetë i një 27 vjeçari

Një trup i pajetë është gjetur këtë pasdite në një fushë sporti në Mamurras. Policia, e cila mbërriti në vendngjarje, pas një telefonate, bëri të ditur se viktima është e seksit mashkull, i përket shtetasit Lulzim Mallkuçi, 27 vjeç. Trupi i pa jetë është zbuluar në një pellg uji, i mbytur. Sipas burimeve, nga hetimet paraprake ka rezultuar se i riu në gjendje të dehur ka rënë aksidentalisht në një pusetë. Burimet shtojnë më tej se megjithatë hetimet po vazhdojnë për të hedhur më shumë dritë mbi ngjarjen.