Mançester Junajtid-Pogba, divorci në fund të sezonit

Paul Pogba dhe Manchester United duket se kanë arritur në fundin e bashkëpunimit të tyre. Kështu të paktën ka raportuar Marca, e cila nënvizon se këtë herë është klubi i Premierligës që ka hequr dorë nga rinovimi me mesfushorin francez. Sipas spanjollëve, Djajtë e Kuq nuk besojnë se performanca e mesfushorit është adekuate për investimin e bërë për të dhe për këtë arsye dyshojnë se ia vlen t’i jepet një kontratë tjetër e rëndësishme dhe e gjatë.

Problemet e tij të ndryshme fizike luajtën një rol në këtë vendim dhe Marca pretendon se një qëndrim në Old Trafford tani është “pothuajse i përjashtuar”. Prandaj, kjo mund të përfaqësojë një mundësi të madhe për të gjitha klubet e interesuara, përfshirë sigurisht Real Madridin. Në çdo rast, merengët nuk do të kishin ndërmend të ofronin një pagë faraonike siç do të donte prokuratori i tij Mino Raiola. Edhe sepse Ancelotti e pëlqen lojtarin, por Florentino Perez nuk është plotësisht i bindur.