Mançesteri: Berbatov në fushë, Gigs në pankinë

Milano - Formacioni i Mançesterit, për përballjen e kësaj mbrëmjeje kundër Interit, po zbardhet gjithnjë e më shumë me afrimin e ndeshjes. Tekniku Sir Aleks Ferguson ka në kokë një formacion paraprak për t’u përballur me më të mirët e Italisë. Sipas mediave angleze, Rajan Ggs do të qëndrojë në pankinë në këtë përballje gjigandësh.

Kampionët në fuqi të Europës do të kenë Berbatovin si pykë në sulm, i cili do të mbështetet nga Uejn Runi dhe Kristiano Ronaldo. Në mesfushë do të jetë treshja klasike, Karrik, Skols dhe Park. Fleçer do të jetë mbrojtës i djathtë, ndërsa, në qendër do të jetë O’Shi dhe Ferdinant.