Mandatet, Berisha: Do zbatohet Kushtetuta

Kryeministri Berisha ka deklaruar se pas përfundimit të afatit për deputetët socialistë të cilët nuk kanë bërë betimin në Kuvend do të zbatohet Kushtetuta. Në një intervistë për VOA-n kryeministri Berisha theksoi se vendet e deputetëve socialistë nuk do të mbeten bosh.
"Kushtetua do të zbatohet. Dhe të jem i sinqertë. Në këtë çështje është bërë një interpretim shumë i gjerë i situatës. Kushtetuta thotë se mandate humbet kur deputeti nuk bën betimin. Eshtë shumë e qartë, shumë e prerë dhe është pika e parë kur deputeti humbet mandatin. Rregullorja e parlamentit e cila në vetvete është kushtetua e parlamentit ajo përcakton 6 muaj mungesë për t'u paraqitur dhe në këtë rast në opsionin më posibilist, është pranuar ky variant i dytë për t'u llogaritur. Por kushtetuta do të zbatohet" theksoi Berisha.
Ndërkohë Berisha në lidhje me situatën politike në vend dhe me deklaratat e ndërkombëtarëve për bashkëpunim mes dy palëve theksoi se këto deklarata janë një apel i qartë për opozitën.
"Ajo është një apel për opozitën sepse unë kam bërë një ofertë publike, prapë e ftoj të vij, prapë e ftoj të bëjmë komisionin hetimore, prapë garantoj t'I jap mazhorancën sic nuk e parashikon ligji, por është një çështje mes nesh dhe ka një mekanizëm për t'ja lënë atij mazhornacën në dorë" theksoi Berisha. Ai shtoi gjithashtu se e fton opozitën të hetojë
çdo gjë tjetër për këto zgjedhje por jo vendimin e gjykatave.