Mandati per Fierin - KQZ: Do numërojmë 8 kuti PD-PS i ndajnë 145 vota

 

BLEDAR HOTI

Komisioni Qendror i Zgjedhjeve vendos për hapjen e 8 kutive të votimit në qarkun e Fierit. Sot në orën 10:00, 7 anëtarët e KQZ-së do të realizojnë procesin e numërimit të votave, duke e realizuar atë me të njëjtën procedurë që u ndoq me 6 kutitë e qarkut të Lezhës, duke u kthyer në një KZAZ. Në orën 23:00, kreu i KQZ-së, Arben Ristani, pas pranimit të të gjitha kërkesave të PS-së dhe PD-së bëri të ditur se do të nisë procesi i numërimit të votave, duke ngritur 2 grupe numërimi të votave. Dy grupet e punës do të funksionojnë si grupe të numërimit të votave. Nënkryetarja Dëshira Subashi kërkoi vendosjen e kamerave gjatë procesit të numërimit, por një gjë e tillë u kontestua nga ana e kryekomisionerit Arben Ristani, për shkak se do të jenë të pranishme kamerat e të gjitha mediave vizive. Me vendimin e djeshëm KQZ-ja ka vendosur kështu numërimin e kutive të votimit, duke sheshuar dhe përplasjet politike për këtë qark, ku PS-ja pretendon që të marrë mandatin e nëntë të deputetit. Në rezultatin zyrtar të KQZ-së, aktualisht janë numëruar 475 kuti votimi, nga 488 që janë në total. Në tri qendra votimi nuk janë zhvilluar zgjedhjet, nga kjo rezulton që PD-ja si koalicion me 69.784 vota merr 7 deputetë. Koalicioni i PS-së deri më tani ka 89.501 vota. Ky koalicion për të marrë mandatin e 9-të i duhet që në llogaritjen e të gjitha votave në 10 QV të rrisë diferencën në plus 145 vota ndaj koalicionit të udhëhequr nga ana e PD-së. Mandati i 9-të përfshin edhe PDI-në si pjesëtare e koalicionit të PD-së. Nëse PS-ja në numërimin e dy apo tre kutive të para e arrin një mandat të tillë, atëherë PDI-së si subjekt i duhet që në përfundimin e të gjithë procesit të numërimit të votave të marrë dhe dy mijë vota plus, që të rimarrë mandatin e deputetit.
Debati për Ruzhdien
Pas më shumë se 6 orë diskutimi, KQZ-ja ka vendosur të hapë disa prej kutive të mbetura pezull nga katër Komisionet e Zonave Zgjedhore me numër 18, 19, 20 dhe 22, si dhe të përfshijë në tabelën përfundimtare dy kutitë e votimit të qendrave 3185 dhe 3188. Këto dy kuti kanë ardhur të hapura nga zona e Libofshës në Tiranë, për të cilën u bë dhe protesta në orët e vona të datës 28 qershor. Në to pretendohet se PS-ja ka një numër të madh votash. Përfaqësuesit e PD-së në KQZ, Oerd Bylykbashi dhe Ivi Kaso, kërkuan që të merrej në konsideratë kërkesa e tyre për rivlerësimin e votave të këtyre dy kutive, si dhe të bëhet një hetim administrativ. Por kjo u hodh poshtë me 5 vota kundër dhe 2 dy pro. Ristani dhe Zguri votuan kundër hetimit administrativ dhe numërimit të votave, duke u bashkuar në qëndrimin e tyre me anëtarët e majtë, si Subashi, Lazaj dhe Varfi. Ndërsa përsa i përket përfshirjes së dy QV-ve në rezultatin përfundimtar të Fierit, vendimi u mor me 6 vota pro të anëtarëve të KQZ-së dhe një kundër të Hysen Osmanajt. Seanca maratonë e KQZ-së ka ecur dje përgjithësisht me konsensus, përveç kutisë së Qendrës së Votimit në Ruzhdie, me numër 3052. Partia Demokratike kishte nxjerrë pretendimin se për këtë qendër nuk janë përfshirë 440 vota të saja, për shkak se fletët e votimit korrespondojnë me vetëm një vulë dhe jo me dy, pasi sekretari i kësaj QV-ve 3052, përfaqësues i PS-së, nuk kishte dorëzuar vulën deri në orët e vona të natës. Avokati i PS-së në KQZ, Eno Bushi deklaroi se, “në këtë QV nuk kanë marrë pjesë asnjë prej komisionerëve, për shkak se një prej anëtarëve të PD-së i ka kërcënuar me pistoletë”. Por kjo është kundërshtuar nga ana e avokatëve PD-së, Oerd Bylykbashi dhe Ivi Kaso, duke i cilësuar si një fiksion i socialistëve vetëm për të mos marrë në konsideratë votat e vlefshme të PD-së. Nënkryetarja Subashi deklaroi se në bazë të Kodit Zgjedhor këto vota nuk duhet të konsiderohen si të vlefshme dhe se kërkoi që të mos merren në konsideratë. Por duke ecur në praktikën e pranimit në rrugë konsensuale, shumica e anëtarëve të KQZ-së e pranoi vlerësimin e kësaj kutie, për të kryer një hetim administrativ dhe rivlerësim. Gjashtë anëtarët e KQZ-së votuan pro, ndërsa kundër ishte vetëm Pandeli Varfi. KQZ-ja rrëzoi pretendimin e PD-së që të marrë në konsideratë QV 3919, pasi fletët janë hedhur së bashku me kundrafletë.

TABELA  E REZULTATEVE PËR ZONËN ZGJEDHORE QARKU FIER

Aleanca e Ndryshimit   
Aleanca Demokratike    418
Bashkimi Liberal Demokrat    81
Lidhja Demokristiane Shqiptare    51
Partia Agrare Ambientaliste e Shqipërisë    1,756
Partia Aleanca e Maqedonasve për Integrim Europian    19
Partia Aleanca për Demokraci dhe Solidaritet    98
Partia Balli Kombëtar    685
Partia Balli Kombëtar Demokrat    112
Partia Demokracia e Re Europiane    149
Partia Demokratike    5,033
Partia e të Drejtave të Mohuara e Re    122
Partia Forca Albania    36
Partia Lëvizja e Legalitetit    2,747
Partia Ora e Shqipërisë    96
Partia për Drejtësi dhe Integrim    4,623
Partia Republikane Shqiptare    3,758
SHUMA    9,784
   
Aleanca Poli i Lirisë   
Lëvizja për Zhvillim Kombëtar    1,993
Partia Bashkimi Demokrat Shqiptar    31
Partia Demokristiane e Shqipërisë    593
Partia e Reformave Demokratike Shqiptare    16
Partia Konservatore Shqiptare    17
Partia Rruga e Lirisë    20
SHUMA    2,670

Aleanca Socialiste për Integrim   
Lëvizja për  të Drejtat dhe  Liritë e  Njeriut    142
Lëvizja Socialiste për Integrim    0,504
Partia e Gjelbër    38
Partia për Mbrojtjen e të Drejtave të Emigrantëve    21
Partia Socialiste e Vërtetë 91    359
Partia Toleranca e Re e Shqipërisë    13
SHUMA    11,077
Bashkimi për Ndryshim   
Partia Bashkimi për të Drejtat e Njeriut    519
Partia Demokracia Sociale    988
Partia G 99    1,188
Partia Socialdemokrate    3,227
Partia Socialiste e Shqipërisë    83,659
SHUMA    89,581
   
Partia Ligj dhe Drejtësi    277

Gjithsej vota të vlefshme                                           173,389

llogaritja e mandateve per qarkun fier

Subjekti        Vota    1    2    3    4    5    6    7    8    9

Koalicioni PS        89581    89581    44791    29860    22395    17916    14930    12797    11198    9953
Koalicioni PD        69784    69784    34892    23261    17446    13957    11631    9969    8723    7754
Koalicioni LSI        11077    11077    5539    3692    2769    2215    1846    1582    1385    1231
Koalicioni POLI        2670    2670    1335    890    668    534    445    381    334    297

Gazeta ka llogaritur shpërndarjen e 16 mandateve të Qarkut Fier sipas rezultatit të 774 kutive të numëruara. Me të zeza janë mandatet që përfitojnë tre koalicionet. Diferenca mes mandatit të 7 të fituar aktualisht nga Aleanca e PD me mandatin e 9 që kërkon PS është 16 vota. Sipas formulës kjo shifër shumëzohet me 9 për të përftuar numrin e votave që duhen për të ndryshuar pronësinë e mandatit. Sot gjatë numërimit të votave në 10 kuti duhet që PS të arrijë një diferencë prej 145 votash për të fituar mandatin.

Vendimet e KQZ

KZAZ numër 18 - Bashkia fier
Të vlerësohen votat e kutive të QV 3006, 3017
dhe 3027

KZAZ numër 19 - Patos
Të vlerësohen votat e kutive të QV 3116, 3122, 3052

KZAZ numër 20 - libofshe
Të përfshihen në tabelën përfundimtare rezultati i QV 3185 dhe 3188, të numërohet kutia e QV-së 3197.
U rrëzua kërkesa e PD-së për QV 3196

KZAZ 22 - lushnje
Do të rivlerësohen votat e QV 2919