Maqedoni rreth 500 femije detyrohet te behen lypsare

E shtune 17 shtator 2011 NOA- Nje numer i madh i femijeve ne Maqedoni kane braktisur shkollat duke u detyruar dhunshem nga familjaret e tyre te behen lypsare.
Ata qe ne hapat e pare te jetes mesohen te mbijetojne duke e shtrire doren per lemoshe para cdo kalimtari.
Ky fenomen tani me ka marre formen e krimit te organizuar pasi edhe policia ka zbuluar nje rrjet familjesh kryesisht te perkatesise etnike rome qe jetojne ne udhekryqet e qyteteve me te medha ku femije detyrohen te kerkojne lemoshe.
Sipas te dhenave te ministrise se punes dhe politikes sociale jane rreth 500 femije lypsare qe enden neper rruget e qytetit.
Per parandalimin e ketij fenomeni Ministria e Punes dhe Politikes Sociale ne bashkepunim me policine ka nisur nje operacion per shkaterrimin e rrjeteve te lypsareve ndersa femijet e kapur ne rruge dergohen ne qendrat per perkujdesjen ndaj tyre.
Ministrja e Puneve te Brendshme Gordana Jankullovska thote se ne aksionin e fundit rreth 50 femije u larguan nga rruga.
Situata me alarmuese eshte ne qytetin e Kumanoves ku jane evidentuar 24 femije lypsare. Ndaj 119 personave jane ngritur kallezime penale masa keto qe kane per qellim te parandalojne delikuencen tek femijet shprehet Jankulloska.
Ministri i Punes dhe Politikes Sociale Spiro Ristovski vlereson se operacioni per terheqjen e femijeve lypsare nga rruga eshte nje aksion human qe ka kryesisht per qellim te parandaloje keqperdorimin dhe jeten mizore te femijeve qe jane pre e ketij krimi te organizuar.
Organizatat per te drejtat e njeriut thone se lypja e detyruar e femijeve eshte forme e shfrytezimit te femijeve dhe eshte joligjore. Ata apelojne qe te mos u jepet para femijeve qe lypin sepse ne kete menyre perkrahet shfrytezimi i tyre.
INA/ NOA