Marrëdhëniet SHBA-Australi për sigurinë zemërojnë Kinën

Presidenti i SHBA-ve, është zotuar se nuk do të shkurtojë buxhetin lidhur me strategjinë dhe prezencën ushtarake në Azi e Paqësor për shkak të krizës buxhetore që po kalon Amerika.

Angazhimi i Obamës vjen një ditë pasi SHBA-të njoftuan dislokimin e 2 500 trupave në veri të Australisë, çka shkaktoi një reagim të fortë nga Kina, rritja e së cilës po shkakton riorientim të balancave të Azi.

Në një artikull të botuar në një të përditshme qeveritare kineze, të cituar nga “Al-Xhazira”, shkruhet se “sigurisht që Australia nuk mund ta vejë Kinën në rolin e të trashës. Është e pamundur që Kina të mbesë e shkëputur pa u interesuar në atë se çfarë bën Australia për të minuar sigurinë e saj”./Start/F. Prroni/

                                                                                             2011-11-17 15:20