Marrëveshje kundër korrupsionit

Agjencia Kadastrale e Kosovës, ka nënshkruar një marrëveshje bashkëpunimi me Departamentin Ekzekutiv të Policisë së EULEX-it për shkëmbim informacioni.

“Qëllimi i kësaj marrëveshje është që të shtohet bashkëpunimi dhe koordinimi në lidhje me shkëmbimin e informatave lidhur me hetimin dhe zbulimin e pastrimit të parave, korrupsionit, krimit ekonomik, krimit të organizuar, terrorizmit dhe krimeve tjera të rënda”, thuhet në kumtesën për media.

Kjo marrëveshje themelon procedurat, kushtet dhe kriteret për lehtësimin e shkëmbimit të informatave ndërmjet DEP-EULEX dhe Agjencisë Kadastrale të Kosovës.