Masa, gati për sfidën

“Ndjesia me makinën është e mirë. E kemi përgatitur mirë këtë kampionat, provat kanë shkuar mjaft mirë. Por tani, në garën e parë do të shohim gjer ku jemi dhe sa rezultat do japë puna jonë. Kam dëshirë të madhe ta filloj këtë kampionat”, pohoi piloti i “Kokëkuqes”, i cili më tej shtoi:

“Jam shumë i kënaqur me gjithçka kemi bërë. Kemi zhvilluar shumë xhiro, madje edhe në shi dhe kjo është pozitive. Ajo çfarë pres nga gara e parë në Bahrein është të fitojmë sa më shumë pikë. Tani që fituesi merr 25 pikë, është e rëndësishme të grumbullojmë sa më tepër të jetë e mundur”.