Masakra, kërkohen 35 vjet burg për Gjorgjevic

HAGE-Prokuroria e Hagës i ka kërkuar nga gjykatësi që gjeneralit i Ministrisë së Punëve të Brendshme të Serbisë, Vlastimir Gjorgjevic, t'i shqiptohet dënimi prej 35 vjetësh burg ose të dënohet me burg të përjetshëm, për shkak të krimeve ndaj shqiptarëve në Kosovë, në vitin 1999.

Lajmin e bëri të ditur zëdhënësja e Tribunalit, Nerma Jelaçic.

Gjykimi i Gjorgjevicit në Hagë filloi në muajin janar të vitit të kaluar, kurse prokurorët kanë përfunduar me paraqitjen e provave në tetor.

(d.b/BalkanWeb)