Masterat profesionalë, tarifat e kuotat për të gjitha degët
Zbardhen tabelat e vendimit për 61 programet në universitete.
Zbardhen tarifat e reja për të gjithë ata që duan të ndjekin një master profesional më kohë të pjesshme në një nga programet e universiteteve në vend për vitin akademik 2012-2013. Në vendimin e Këshillit të Ministrave, i miratuar në muajin shtator, detajohen kuotat dhe tarifat për secilin nga 61 programet e studimit në universitet e vendit. Tarifa e studimit, sikurse përcaktohet në vendim, është 68.130 lekë për secilin nga programet e renditura, ndërkohë që numrin më të madh të kuotave në dispozicion për aplikantët e ka Universiteti i Tiranës dhe ai Bujqësor i Tiranës.