Mbeshtetje financiare per agrobizneset

Agrobizneset  konfirmojnë faktin që kanë arritur të modernizojnë investimet e tyre falë mbështetjeve financiare dhe teknike që Ministria e Bujqësisë ka dhënë në vitet e fundit. Duke parë shtimin e kapacitetit prodhues, por dhe kërkesat e konsumatorëve, bizneset janë shkëputur tashmë nga mënyrat e vjetra të përpunimit. Një shembull i suksesit në treg është vizituar nga afër nga ministri i Bujqësisë, Genc Ruli. I pranishëm në Zemblak të Korçës, ministri Ruli ka parë nga afër linjën moderne të përpunimit të qumështit dhe prodhimeve të bulmetit.
Në zonën e Korçës vetëm një prej fabrikave të qumështit me investim prej 300 mijë euro ka përfituar 250 mijë euro subvencionim në masën 70 për qind të interesit bankar nga Agjencia e Zhvillimit Bujqësor dhe Rajonal. Falë këtij investimi janë punësuar rreth 15 persona dhe përpunohen rreth 15 ton qumësht në ditë, nga ku prodhohen lloje të ndryshme djathi dhe bulmeti.