Mbi 70 mijë fëmijë rrezikohen nga uji i ndotur në Pakistan

Zyrtarë të Kombeve të Bashkuara në Pakistan thonë se, pas përmbytjeve katastrofike në Pakistan, jeta e mbi 70 mijë fëmijëve të kequshqyer është në rrezik nga sëmundjet që mbart uji i ndotur, raporton BBC.
OKB-ja thotë se reagimi ndërkombëtar duhet të jetë shumë më i vendosur, ngase miliona fëmijë janë rrethuar nga ujrat e kontaminuar dhe shumë prej tyre nuk kanë gjë tjetër për të shuar etjen.
Mbi tetë milionë banorë kanë nevojë urgjente për ushqime dhe strehim.
Në krahinën Sindh, një nga më të prekurat nga përmbytjet, banorët e zemëruar nga mungesa e ndihmave bllokuan rrugët në shenjë proteste.