Mbledhja e grupit parlamentar të Partisë Demokratike

Nën drejtimin e Kryeministrit Berisha u zhvillua sot mbledhja e radhës e grupit parlamentar të Partisë Demokratike.  

Më  gjërësisht  në  fjalën e tij kryeministri u shpreh:

Pas përzgjedhjes së kandidaturave , të cilat në tërësi  janë pritur më mirë se kurrë më parë. Unë në radhë të parë dua të përgëzoj kryetarët e degëve të Partisë Demokratike, për shkallën e lartë të përgjegjësisë që kanë dëshmuar në këtë proces.  Shkallë kjo, që është dhe një kusht i domosdoshëm për suksesin e këtij procesi, të përgëzoj deputetët, drejtuesit e grupeve të punës, që e kanë udhëhequr këtë proces, me transparencë, me vendosmëri, me tolerancë me mirëkuptim dhe  e vërteta është që, kurrë ndonjëherë ne nuk shkojmë drejt një procesi zgjedhor më konsensual dhe më të bashkuar  se këtë radhë.

Kjo është një premisë e shkëlqyer për të marrë rezultatin që ne presim. Është bërë një punë e madhe, është bërë një punë  e përgjegjshme dhe e studiuar.  Grupet e ekspertëve po punojnë prej kohësh për sloganin.  Slogani ynë buron nga shpirti i vete sloganit,  të qytetarit, me qytetarin, për qytetarin, dhe mesa duket slogani do të jetë  “Të parët jeni ju” apo “ Ju jeni të partë”, sepse qytetarët janë të parët, ata do të jenë të parët ndaj dhe ne përqendrohemi sëbashku me ta për të gjithë problematikën e këtyre zgjedhjeve.  Ky slogan pothuajse përfundimtarë është “Ju jeni të parët”.

Për sa i përket  himnit diskutimet vazhdojnë. Himni ndërkombëtar, këtu diferencat janë reale dhe unë ju garantoj se nuk do ta vendos unë, do të përpiqem të dëgjoj sa më shumë dhe të fitojë ai që është më i kuotuari, sepse po të ishte për mua  “Eye of the tiger” për të mos thënë dhe “Barracuda”, ato janë këngët e adrenalinës sime, por nuk do të jenë, sepse dikush po më thoshte,  po e vumë këngën “Eye of the tiger”, iku nga frika kandidati kundërshtar.  Ajo fjalët i ka të bukura por prapë  nuk mund ta kemi,  “Thunder  Strike” është  një tjetër këngë, jashtëzakonisht frymëzuese, ndezëse, prapë nuk mund të them se do të jenë  etalon. 

Pra diskutimet janë , përpjekje të shumta po bëjnë për të zgjedhur himnin më të bukur ndërkombëtarë.  I përshtatet tërësisht, shpirtit të programit tonë, qytetarit.  E bukur shumë është “Victory” e Michael Flatley,  por ende nuk është konkluduar se duhet të jetë në një valë me qytetarin, urojmë dhe shpresojmë të zgjedhim më të bukurin. Duhet dhe një himn  kombëtar.  Përveç himnin kombëtar duhet himni i fushatës  dhe aty po bëhen përpjekje, por këto dy –tre ditë do të konkludohet, sepse himni është element i rëndësishëm.  Ju jeni dëshmitarë sesi  “Win the Race” dhe “Shqipëria po Ndryshon”, u bënë këngët më të dashura të fushatës.

Sërish do të bëjmë përpjekjet më të mëdha për të përzgjedhur, himnet më të bukura  elektorale për këtë fushatë. Slogani sipas testimeve të gjëra, del më i pëlqyeri nga një seri sloganesh, “Ju jeni të parët”.

Java që shkoi ka pasur një zhvillim kulmor, përzgjedhjen e projektit për parlamentin e ri. Dua të theksoj edhe njëherë se ky ka qenë, konkursi më i hapur në historinë e këtij vendi.  Konkurs në të cilin, siç e dini morën pjesë 25 studio nga më prestigjiozet  dhe më të njohurat e botës, për hir të transparencës, sepse kur ata  paraqesin projektin lidhet  një marrëdhënie kontraktuale  me ta, siç është ruajtja e pronësisë mbi projektin, një çmim për hartimin e tij.  Ne vendosëm të mos përjashtonim asnjë prej 25 kompanive. Si forma absolute më transparente e veprimit, pranuam të 25 kompanitë dhe nuk bëmë përzgjedhje paraprake. 

Ne nuk bëmë shortistime apo gjysëm  listime që komiteti të zgjidhte 10 nga 25, ne u dhamë të drejtën të gjithave dhe kjo funksionoi në mënyrë të shkëlqyer.  12  prej  tyre erdhën me projektet e tyre dhe disa me arkitektët më të njohur të kohës.

Më vonë komiteti përzgjodhi jurinë, juria u kryesua nga  një prej arkitektëve më të mëdhenj të kohës së sotme dhe u përbë nga arkitekt të tjerë, mes tyre edhe dy shqiptarë.  Juria përzgjodhi, si projekt më të mirë, vlerësoi në kompleksitetin e tij, si projektin më të bukur, më funksional, projektin e arkitektit austriakt  Prix,  që është sot një ndër më të mëdhenjtë,  absolutë të kohës sonë.  Ndodhi që qeveria austriake ka vendosur të rinovojë parlamentin me një shumë prej 300 milion euro, natyrisht që ftuan arkitektin Prix, për të marrë përsipër  projektin dhe ky arkitekt i madh ju thotë se është më mirë të ndërtojmë një parlament të ri. Kushton fare pak, më shumë.  Shpërtheu një debat i madh në Austri, nëse duhet të ndërtonin të riun apo të rinovonin të vjetrin. Shtypi  austriak më serioz, qorton ata që nuk po dëgjonin Prix, por ndërkohë informon se Shqipëria po ndërton me projektin e Prix, parlamentin e saj të ri.

Pra mund të shpreh falënderimet e mia për të gjitha kompanitë, për të gjitha studiot që iu përgjigjën thirrjes së komitetit shtetëror për ndërtimin e parlamentit , të falënderoj jurinë , personalitetet  botërore në fushën e arkitekturës, për përkushtimin dhe punën e përgjegjshme  që bëri, të përgëzoj fituesin, i cili në projektin që pruri do të bëjë të mundur që Tirana në 100 vjetorin e pavarësisë së vendit, të ketë ndërtesën më të re dhe më të bukur të vendit.  Faktikisht me këtë ndërtesë ne hedhim themelet e Tiranës së këtij shekulli, e Tiranës që do të jetë një nga qytetet më moderne, të Rajonit. Tirana në vetvete ka një pozicion gjeografik të mrekullueshëm, rrethohet nga peizazhe mahnitëse, malesh, kodrash  dhe është pothuajse qytet  bregdetar me 37 kilometra distancë.

Tirana sesi më duket, si një  ëndërr  e  ndrydhur, e vërteta është që nuk përfaqëson variantin më të mirë, e ndrydhur, sepse ky qytet për fatin jo të mirë në të gjithë qenien e saj arkitekturore, urbanistike, ndihet shumë larg kryeqyteteve të tjera të Rajonit dhe të Europës.  Tirana duhet të zhvillojë ëndrrën e saj dhe ëndrra e saj është Tirana kryeqytet Europian.  Një kryeqytet i vendit që në të gjithë pamjen e saj të jetë Europiane, siç ka qytetarët, sepse qytetarët e Tiranës janë qytetarë europianë, por ndërtesat e Tiranës janë problemi i saj, ndaj dhe me parlamentin , me stadiumin Kuq e Zi, ashtu do ta quajmë atë stadium, sepse kështu e quajtën tifozët. 

Ne nuk i vëmë  emër tjetër atij, përveç emrit të atyre qindra e mijëra të rinjve që mblidhen nga të katër anët e trojeve shqiptare për të mbështetur ekipin tonë kombëtarë.  Le të jetë stadiumi i Kuq e Zinjve, atyre ju takon, ju takon edhe futbollistëve sigurisht dhe besoj se dhe futbollistët do të jenë të kënaqur, që stadiumi të quhet Kuq e Zi.

Ky është vetëm fillimi dhe për këtë ju garantoj, sepse projektet e kryetarit të ardhshëm të bashkisë do të gjejnë mbështetjen më të fuqishme, në interesin e shndërrimit të këtij kryeqyteti në një simotër kulturore të kryeqyteteve të tjera të Europës.

Faleminderit!