Mblidhet Bordi i Transparencës, ulet me 3 lekë çmimi i naftës

Çmimi i karburanteve ka pësuar një tjetër ulje të lehtë në treg.

Sipas vendimit të bordit, nga pasditja e kësaj të marte një litër naftë do të shitet me 184 lekë, ose 3 lekë më pak se vendimi i fundit i bordit.

Ky është çmimi më i ulët në treg, që nga koha e krijimit të Bordit të Transparencës.

Ndërsa një litër benzinë është rritur me 1 lekë. I pandryshuar ka mbetur çmimi i gazit, i cili do të vijojë të tregtohet me 75 lekë për litër.