Mbytja e 2 grave në Devoll, jepet masa e sigurisë për shoferin e zetorit

Gjykata e Korçës pritet të japë sot masën e sigurisë për Gëzim Zyfin, shoferin e zetorit i cili u përmbys të shtunën në lumin Devoll duke zënë poshtë 2 gra.

Banorë të shumtë të fshatrave Bracanj dhe Dobranj në rrethin e Devollit janë mbledhur para gjykatës duke kërkuar lirimin e Zyfit. Ata e cilësojnë atë si të pafajshëm ndërsa ka paralajmëruar se do të bëjnë edhe protestë nëse gjykata vendos ta dënojë atë.

Gjithashtu banorët e dy  fshatrave theksojnë se kanë bërë një peticion për lirimin e shoferit të zetorit duke marrë  edhe firmat e familjarëve të dy viktimave.

Ngjarja e rëndë u shënua ditën e shtunë kur rimorkio e zetorit në të cilën udhëtonin 20 persona u përmbysur teksa po i transportonte nga njëra anë e lumit në anën tjetër. Për pasojë  humbën jetën Mirela dhe Elena Zyfi, përkatësisht 29 dhe 35 vjeçe ndërsa personat e tjerë arritën të shpëtojnë.

Dy viktimat dhe bashkëfshatarët e tyre ishin nisur për në një ceremoni mortore por për shkak të mungesës së një ure ata përdorën zetorin për të kaluar në anën tjetër të lumit.