McCain luan poker teksa diskutohej për Sirinë
Argumentet e shtruara në tryezë duhet se nuk ishin interesante për senatorin republican John McCain.
Senatori veterena është kapur teksa ishte duke luajtur poker në iPhonin e tij në kohën kur kolegët e tij disktuonin mbi mundësinë e mbështetjes së presidentit Obama për një ndërhyrje në Siri.
Ai u kap mat nga fotografi i Washington Post dhe fotoja shpejt ka zënë faqet e para të mediave online duke ngritur pikëpyetje mbi seriozitetin e diskutimit të krizës siriane në Komisionin e Jashtëm të Senatit amerikan.
McCain e ka pranuar se është zënë ngusht duke bërë një postim në profilin e tij në rrjetin social, Twitter që e ka filluar me fjalën, Skandal.
Ai gjithashtu ka shkruar se gjatë takimit që ka zgjatur tre orë, më e keqja nga të gjitha, unë humba! (lojën).
Më vonë, ai i ka thënë televizionit, CNN se ai ka humbur mijëra dollarë në atë lojë, mirëpo ka sqaruar se nuk bëhet fjalë për para të vërteta, por ato që përdoren vetëm për lojë.