Me 17 janar 2022, hidhen në treg kartëmonedhat e reja 500 dhe 2000 lekëshe

Nga data 17 janar 2022, do të hidhen në treg kartëmonedhat e reja 500 dhe 2000 lekë. Lajmi u bë i ditur nga guvernatori i Bankës së Shqipërisë, Gent Sejko. Seria e re e kartëmonedhave është prodhuar me teknologjitë më të fundit në fushën e prodhimit dhe elementeve të sigurisë së kartëmonedhave, me qëllim që ato të jenë më të sigurta, duke ia bërë “më të vështirë jetën” falsifikatorëve.