Me doza kokaine gati për shitje, arrestohet i riu durrsak, me vete mbante dhe thikë (EMRI)

Një 31-vjeçar është arrestuar nga Policia e Durrësit, pasi akuzohet për shpërndarje të lëndëve narkotike. Mësohet se në pranga ka rënë shtetasi Sajmir Sina., 31 vjeç, banues në lagjen nr. 15, Durrës.

Në momentin e arrestimit këtij shtetasi i janë gjetur dhe sekuestruar një sasi kokainë, e ndarë në disa doza, të gatshme për shitje dhe një biçak.

Njoftimi i Policisë:

Durrës/Goditet një tjetër rast i shpërndarjes në doza, të drogave të forta.

Shpërndante lëndë të dyshuar narkotike kokainë, të ndarë në doza, arrestohet në flagrancë 31-vjeçari, të cilit gjatë arrestimit iu gjet edhe një mjet prerës (biçak).

Sekuestrohen në cilësinë e provës materiale dozat e dyshuara të lëndës narkotike kokainë dhe mjeti prerës (biçak).

Specialistët për Hetimin e Trafiqeve të Paligjshme dhe Narkotikëve të DVP Durrës, si rezultat i kontrolleve në të gjithë territorin e qarkut, të mbështetura nga inteligjenca informative, kanë konstatuar dhe goditur një tjetër rast të shpërndarjes në doza të drogave të forta, për të cilin u arrestua në flagrancë shtetasi S. S., 31 vjeç, banues në lagjen nr. 15, Durrës.

Gjatë kontrollit, 31-vjeçarit iu gjet dhe iu sekuestrua në cilësinë e provës materiale, një sasi lënde e dyshuar narkotike kokainë, e ndarë në disa doza, të gatshme për shitje.

Në momentin e arrestimit shtetasi S. S. mbante edhe një mjet prerës (biçak) që gjithashtu iu sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Parë të Juridiksionit të Përgjithshëm Durrës, për veprime të mëtejshme, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu