"Me ndihmoni me gjak qe te shpetoj"

Eshte vetem 31 vjec, e megjithate jeta e tij eshte ne fije te perit. Behar Hoxha nga Suku i Fierit ka nevoje emergjente per 62 doza gjaku qe te mbijetoje. Pas nje transplanti te melcise se zeze, te kryer ne spitalin shteteror te Selanikut, Behari ka nevoje qe te trajtohet serish me gjak, nisur nga operacioni delikat qe ka kryer. Vjehrri i tij, Fuat Hoxha do te bente te pamunduren qe ta shpetonte, por kete nuk mund ta beje pa ndihmen e dhuruesve te gjakut. Keshtu, Fuati i ben thirrje emigranteve shqiptare ne Selanik si dhe Ministrise sone te Shendetesise qe ta ndihmoje dhendrin e tij, i cili rrezikon jeten. "U bej apel te gjitheve atyre qe kane mundesi te ndihmojne. Ato 62 doza duhet te dergohen ne spitalin e Selanikut per babane e dy nipave te mi, 6 dhe 3 vjec", pohon i perlotur Fuati. Si sqaron se nuk ka rendesi cfare grupi gjaku do te kene dhuruesit, pasi ato duhen qe spitali i Selanikut t'i kete gjendje. Pra, ky spital do te mund t'i jape gjakun e duhur Beharit, por nderkohe keto njesi gjaku duhet t'i zevendesoje qe te jene aty, per cdo rast tjeter emergjent. Zgjidhja e vetme sipas qytetarit Fuat Hoxha, do te ishte dergimi i ketyre 62 njesive te gjakut ne Selanik, ose edhe dhurimi i gjakut nga emigrante ne Selanik. Fuati tregon se gjithcka varet nga njerezit e thjeshte qe do te kene predispozicion per te ndihmuar dhendrin e tij, i cili eshte ne rrezik per jeten.